|
Ríkisstjórnin leggur byrðarnar á aldraða7. desember 2010
|  Á þeim krepputímum,sem við lifum á talar ríkisstjórnin stöðugt um að allir verði að leggja sitt af mörkum í niðurskurði til þess að eyða ríkishallanum. Það er sagt,að að hlífa eigi velferðarmálunum en skera meira niður í öðrum þáttum ríkisrekstrarins. En þegar litið er á niðurskurð hinna ýmsu ráðuneyta kemur í ljós, að niðurskurður er mestur í velferðarmálum og heilbrigðisráðuneyti og svo í samgönguráðuneyti en í öðrum ráðuneytum er niðurskurður lítill sem enginn og víða hafa útgjöld aukist.Hér er ekki rétt farið að og ekki í samræmi við markmið.Og á hverjum bitnar niðurskurðurinn mest? Hann bitnar mest á öldruðum og öryrkjum.Sl. 12 mánuði hefur kaup launþega og ríkisstarfsmanna ( með lág laun) hækkað um 23 þús. kr. á mánuði. En á sama tíma og þetta launafólk hefur verið að fá kauphækkun eru kjör aldraðra og öryrkja skert.Hvað er hér að gerast? Er verið að leggja byrðarnar á þá sem síst skyldi,aldraðra og öryrkja.Ég hefði síst átt von á því að félagshyggjustjórn mundi haga sér á þennan hátt.Þegar ríkisstjórnir Sjálfstæðisflokksins og Framsóknar voru við völd var það venja,að lífeyrir aldraðra og öryrkja hækkaði í kjölfar nýrra kjarasamninga.Enda stendur í lögum, að hækkun á lífeyri eigi að taka mið að hækkun launa og verðlags.Það var oft deilt um það hvort hækkun lífeyris hafi verið nóg miðað við hækkun kaupgjalds en það varð alltaf hækkun á lífeyri í kjölfar kauphækkana.Núverandi félagsmálaráðherra hefur tekið upp nýja siði í þessu efni.
Landssamband eldri borgara,Félag eldri borgara í Reykjavík, 60+,samtök eldri borgara í Samfylkingunni og Öryrkjabandalag Íslands mótmæltu öll harðlega kjaraskerðingu aldraðra og öryrkja 1.júlí sl.Þessi samtök hafa krafist þess að kjaraskerðingin 1.júlí sl. verði leiðrétt og þau hafa farið fram á kjarabætur til handa lífeyrisþegum í samræmi við kauphækkanir launþega.En félagsmálaráðherra hefur stungið öllum þessum áyktunumundir stól.Ríkisstjórnin lýsti því yfir þegar hún tók við völdum,að hún ætlaði að hafa samráð við hagsmunasamtök í landinu um þær ráðstafanir sem þyrfti að gera í ríkisfjármálum og til endurreisnar efnahag landsins.Jú,félagsmálaráðherra,hefur kallað á hagsmunasamtök til þess að kynna þeim kjaraskerðingar,sem verið hafa í pípunum en ekki til þess að taka tillit til óska þessara samtaka,nei aðeins til þess að láta menn vita,að nýjar kjaraskerðingar mundu dynja yfir. Það er ekki samráð,Það er kynning. Við samráð þarf að taka eitthvað tillit til óska mótaðilans.
Nú er verið að undirbúa fjárlagafrumvarp fyrir árið 2011 og þá dettur mönnum aftur í hug að auðvelt væri að ná í einhverja peninga með því að þjarma enn betur að öldruðum og öryrkjum.En er ekki nóg komið. Er ekki búið að pína þessa hópa nóg? Er það kannski krafa Alþjóðagjaldeyrissjóðsins(AGS) að lífeyrir almannatrygginga verði skertur meira? Ögmundur Jónasson alþingismaður sagði í blaðaviðtali eða grein rétt eftir valdatöku ríkisstjórnarinnar,að AGS krefðist þess ávallt þar sem sjóðurinn kæmi að málum,að almannatryggingar væru skornar hraustlega niður.Þess vegna var hann lítt hrifinn af aðkomu AGS hér. Ég trúði þessu ekki þegar ég las þetta,taldi þetta aðeins áróður gegn AGS. En ég er farinn að halda að þetta geti verið rétt. Ég finn enga skýringu aðra á mikilli baráttu élagsmálaráðherra fyrir því að skera niður almannatryggingarnar og þar á meðal lífeyri aldraðra og öryrkja.Ráðherrann ætti nú að bregðast við til varnar almannatryggingunum og lífeyri aldraðra og öryrkja. Gylfi Arnbjörnsson forseti ASÍ segir,að ekki megi frysta lífeyri lengur. Það sagði hann um leið og hann mótmælti frystingu á launum ríkisstarfsmanna.Hann er andvígur kjaraskerðingu lífeyrisþega..En það er ekki aðeins,að ekki megi frysta lífeyri,heldur verður að hækka hann.
Í fyrra sagði fjármálaráðherra,að staða ríkissjóðs hefði reynst 20 milljörðum betri en reiknað hafði verið með. Það fundust 20 milljarðar.En samt var haldið við að skerða kjör aldraðra og öryrkja. Nú hefur verið upplýst,að staðan sé 7 milljörðum betri en reiknað var með í efnahagsáætlun ríkisstjórnarinnar. Ríkisstjórnin ætti því að ganga fram og segja, að vegna þessa hefði hún ákveðið að falla frá skerðingu á kjörum aldraðra og öryrkja og mundi láta þá fá sömu hækkun á lífeyri og launþegar hefði fengið sl. 12 mánuði,þ.e. ca. 16 % hækkun.Ef ríkisstjórnin gerði þetta væri hún í raun félagshyggjustjórn.Viðskiptablaðið segir,að staðan hafi batnað enn meira en sem nemur umræddum 7 milljörðum.Ef svo er er enn auðveldara að ganga til móts við aldraða og öryrkja.Sem betur fer eru nú ýmis teikn á lofti um að bjartara sé framundan, atvinnuleysi fer minnkandi, verðbólgan lækkar og hagvöxtur er á næsta leiti. Umskipti til hins betra gætu orðið um næstu áramót.
Björgvin Guðmundsson
| | Deila á Facebook |
Nýjustu pistlarnir: Hefur "félagshyggjustjórnin " brugðist?, 5.6.2010
Félagsmálaráðherra stingur ályktunum eldri borgara undir stól, 20.5.2010
Mistök að mynda stjórn með Sjálfstæðisflokknum 2007, 20.4.2010
Ríkisstjórnin telst ekki félagshyggjustjórn enn, 23.1.2010
Bankar og eftirlitstofnanir bera höfuðsök á hruninu, 6.1.2010
Bankar og eftirlitsstofnanir bera höfuðsök á hruninu, 6.1.2010
Ríkisstjórnin skerti kjör lífeyrisþega að óþörfu, 20.12.2009
Mannréttindabrot að skerða lífeyri aldraðra og öryrkja, 10.10.2009
Innköllun veiðiheimilda á 20 árum alger nauðsyn, 10.10.2009
Tillögur um nýskipan almannatrygginga rýrar í roðinu, 28.9.2009
Kreppan á ekki að bitna á öldruðum og öryrkjum, 18.6.2009
Kosningarnar voru sigur félagshyggjuaflanna, 17.6.2009
Ekkert nema gömlu íhaldsúrræðin, 8.5.2009
Stjórnvöld hundsa samtök aldraðra, 12.4.2009
Það á að innkalla allar veiðiheimildir, 24.2.2009
Ríkisstjórnin lækkar laun (lífeyri) aldraðra og öryrkja!, 7.2.2009
Það á að kjósa til alþingis í vor, 6.1.2009
Þjóðin á að eiga bankana, 9.12.2008
Breytt landslag í íslenskum stjórnmálum, 28.11.2008
Verjum velferðarkerfið, 20.11.2008
Einkavæðing bankanna mistókst, 21.10.2008
Einkavæðing bankanna mistókst, 21.10.2008
Á Ísland að taka upp evru?, 25.9.2008
Það er verið að hlunnfara eldri borgara, 17.9.2008
Stöðva verður mannréttindabrot kvótakerfisins, 12.9.2008
Hvað er Samfylkingin að gera í þessari ríkisstjórn?, 26.8.2008
Eru allar ríkisstjórnin eins? Það er eins og Framsókn sé enn í stjórn, 11.8.2008
Er tímabært að Ísland sæki um aðild að ESB?, 29.7.2008
Samfylkingin lofaði öldruðum 226 þús. á mánuði í áföngum, 22.7.2008
Ríkisstjórnin hefur brugðist eldri borgurum , 6.6.2008
|
|
