http://www.gudmundsson.net/ Björgvin Guðmundsson er fæddur 13. september 1932 í Reykjavík. Varð stúdent frá MR 1953, viðskiptafræðingur frá Háskóla Íslands 1958, blaðamaður og fréttaritstjóri við Alþýðublaðið og Vísi um 11 ára skeið, umsjónarmaður Efst á baugi í ríkisútvarpinu í 10 ár, forstjóri BÚR í 2 ár, framkvæmdastjóri Íslensks nýfisks í 9 ár, starfsmaður stjórnarráðsins í 28 ár, skrifstofustjóri í viðskiptaráðuneytinu og sendifulltrúi í utanríkisráðuneytinu. Borgarfulltrúi og borgarráðsmaður fyrir Alþýðuflokkinn í 12 ár. Formaður borgarráðs í 1 ár. is Allur réttur áskilinn. Höfundarrétt á Björgvin Guðmundsson. Wed, 8 Feb 2012 13:43 GMT <P>Breytingar þær, sem gerðar voru á ríkisstjórn Jóhönnu Sigurðardóttur um síðustu áramót,mælast misjafnlega fyrir.Lengi hafði verið reiknað með, að Jón Bjarnason mundi yfirgefa stjórnina en öðru máli gegnir með brotthvarf Árna Páls Árnasonar úr stjórninni.Árni Páll var að byggja upp nýtt ráðuneyti, efnahags-og viðskiptaráðuneyti,sem sérstök áhersla var lögð á í stjórnarsáttmálanum.Hann hafði staðið sig nokkuð vel sem ráðherra efnahags-og viðskiptamála og því voru engin rök fyrir því að láta hann víkja úr stjórninni.Jón Bjarnason var hins vegar mjög umdeildur sem sjávarútvegs-og landbúnaðarráðherra.Að mínu mati kom tvennt til greina í máli Jóns Bjarnsonar: Að færa hann til innan stjórnarinnar eða að láta hann víkja.Þau Jóhanna og Steingrímur völdu síðari kostinn.En að mínu mati hefði alveg eins mátt fara fyrri leiðina til þess að komast hjá því að láta Árna Pál eða annan ráðherra Samfylkingar hætta. Það hefði til dæmis mátt færa Jón Bjarnason í umhverfisráðuneytið og láta Svandísi Svavarsdóttur taka við nýju atvinnuvegaráðuneyti.</P> <P>&nbsp;</P> <P>Breytingarnar á ríkisstjórninni áttu að verða til þess að styrkja hana.En áhrifin eru þveröfug.Stjórnin er veikari á eftir en áður.Það er mikil óánægja innan Samfylkingar með breytinguna.Óánægjan er það mikil, að hópur Samfylkingarfólks vill flýta landsfundi Samfylkingarinnar og hafa fundinn annað hvort í vor eða næsta haust.Gangi það eftir mun ný forusta Samfylkingarinnar verða kosin á þeim landsfundi.En auk þess bætist það við, sem er enn alvarlegra, að meirihluti ríkisstjórnarinnar er í hættu eftir breytingarnar á ríkisstjórninni. Alls óvíst er, að Jón Bjarnason styðji ríkisstjórnina eftir að hann var settur út úr henni.Breytingin á stjórninni nú virðist hafa verið vanhugsuð.Upphaflega var ráðgert, að Katrín Júlíusdóttir færi úr stjórninni um leið og iðnaðarráðuneytið félli undir hið nýja atvinnuvegaráðuneyti. En fallið var frá því.Katrín hefur staðið sig vel sem iðnaðarráðherra og það hefur áreiðanlega átt þátt í því að fallið var frá því að láta hana hætta.</P> <P>&nbsp;</P> <P>Málefnin, sem ríkisstjórnin berst fyrir og kemur í framkvæmd, skipta meira máli en þeir menn, sem sitja í stjórninni.Stærsta kosningamál ríkisstjórnarinnar, kvótamálið, er í uppnámi. Það er ekki eingöngu sök Jóns Bjarnasonar heldur einnig sök svokallaðrar “sáttanefndar”, sem var undir stjórn Guðbjarts Hannessonar og vék algerlega frá þeirri stefnu, sem stjórnarflokkarnir mörkuðu í síðustu kosningum.Stjórnarflokkarnir boðuðu fyrningu aflaheimilda á 20 árum og að kvótum yrði úthlutað á ný á sanngjarnan og réttlátan hátt.”Sáttanefndin” lagði til að útgerðarmenn ( núverandi handhafar kvótanna) fengju langan nýtingartíma aflaheimilda.Þessi tillaga átti ekkert skylt við fyrningarleiðina og var ekkert annað en svik á kosningaloforðum stjórnarflokkanna.Eftir er að sjá hvernig ríkisstjórnin klórar sig út úr þessu máli. Það breytir ekki miklu í þessu sambandi, að Steingrímur J. Sigfússon hafi tekið við málinu af Jóni Bjarnasyni.Mér finnst þeir báðir hafa dregið lappirnar í kvótamálinu og í rauninni hefur öll ríkisstjórnin gert það. Ekki kemur til greina að afhenda kvótahöfum aflaheimildirnar í 15-23 ár eða í lengri tíma.Það eina,sem kemur til greina nú er að setja mestallar aflaheimildirnar á frjálsan uppboðsmarkað.Það er raunar í samræmi við tillögu stjórnalagaráðs.Ef ekki næst samkomulag um þá leið í stjórnarflokkunum er best að hafa kerfið óbreytt, það er úthlutun til eins árs í senn en stórhækka veiðigjaldið.Útgerðarmenn geta greitt jafnhátt veiðigjald hér og þeir greiða í Barentshafi.</P> <P>&nbsp;</P> <P>Ríkisstjórnin talar mikið um, að hún hafi varið velferðarkerfið.En það er ekki alls kostar rétt.Hún hefur skorið mikið niður í heilbrigðiskerfinu og hún hefur einnig skorið niður innan almannatrygginga.Ríkisstjórnin hefur skert bætur aldraðra og öryrkja.Stjórnin segir,að lágmarksframfærslutryggingin hafi haldið í horfinu en það er ekki alveg rétt heldur.Auk þess eru það aðeins um 300 aldraðir einhleypingar, sem njóta lágmarksframfærslutryggingar að fullu.Aldraðir og öryrkjar krefjast þess nú, að kjaraskerðingin,sem tók gildi 1.júlí 2009 verði strax afturkölluð. Það er þegar búið að afturkalla launaskerðingu ráðherra,þingmanna og æðstu embættismanna.Er þá ekki röðin komin að öldruðum og öryrkjum?</P> <P>&nbsp;</P> <P>Björgvin Guðmundsson</P> <P>&nbsp;</P> <P>Birt í Morgunblaðinu 28.janúar 2012</P> <P>&nbsp;</P> <P>&nbsp;</P> http://www.gudmundsson.net/index.asp?lesa=pistlar&p=nanar&i=619 Tue, 31 Jan 2012 00:00 GMT http://www.gudmundsson.net/index.asp?lesa=pistlar&p=nanar&i=619 vennig@btnet.is (Björgvin Guðmundsson) Þrír stjórnmálaflokkar halda landsþing í haust,Samfylkingin,Sjálfstæðisflokkurinn og Vinstri græn.Fróðlegt verður að sjá hvernig þessir flokkar taka á málefnum aldraðra og raunar á velferðarmálum yfirleitt.Stjórnarflokkarnir segjast vilja koma hér á norrænu velferðarsamfélagi en ekkert hefur þokast í þá átt enn.Fremur hefur miðað aftur á bak en áfram í þeim efnum. Eldri borgarar hafa til þessa treyst fremur á “vinstri flokkana” en hægri flokkana í lífeyrismálum. En þeir munu áreiðanlega fylgjast vel með landsfundi Sjálfstæðisflokksins að þessu sinni ekki síður en hinum landsfundunum, og einkum þeim málum, er varða eldri borgara. Klipið af kjarabótum eldri borgara Fyrir frumkvæði Landssambands eldri borgara og Félags eldri borgara í Reykjavík tryggði ASÍ í viðræðum við ríkisstjórnina, að eldri borgarar fengu nokkurn veginn sömu kjarabætur í júní á þessu ári og launþegar fengu samkvæmt nýjum kjarasamningum.Velferðarráðherra tókst þó að klípa lítillega af kjarabótum þeirra verst stöddu meðal eldri borgara, þar eð lægstu bætur þeirra ( lágmarksframfærslutrygging) hækkuðu um 6,5% á sama tíma og lægstu laun hækkuðu um 10,3%. En í stórum dráttum má segja, að leiðrétting bóta hafi verið hliðstæð leiðréttingum launa. Eldri borgarar fengu hins vegar enga leiðréttingu til samræmis við verðlagshækkanir og launahækkanir láglaunafólks undanfarandi sl. 2 ár en þær launahækkanir námu 16%. Áætlun um hækkun lífeyris aldraðra Mikið vantar upp á það, að lífeyrir aldraðra dugi til þess að eldri borgarar geti lifað sómasamlegu lífi og með reisn síðasta hluta ævi sinnar.Nauðsynlegt er að gera áætlun um myndarlega hækkun á þessum lífeyri.Slík áætlun gæti falist i því að lyfta lífeyri aldraðra myndarlega á 3 árum þannig að lífeyririnn hækkaði í áföngum upp í meðaltalsútgjöld einstaklinga til neyslu samkvæmt neyslukönnun Hagstofunnar. Þessi upphæð var samkvæmt síðustu könnun 290 þús.á mánuði án skatta. Ég tel, að þessi neyslukönnun eigi eins við eldri borgara og aðra landsmenn. Raunar eru sumir liðir könnunarinnar of lágir að því er eldri borgara varðar.Eldri borgarar nota t.d. mun meiri lyf og læknishjálp en gert er ráð fyrir í neyslurannsókn Hagstofunnar. Neyslukönnun Hagstofunnar er eina könnunin, sem unnt er að miða við, þegar lífeyrir aldraðra er ákveðinn. Nýlega var birt neysluviðmið, sem var samhljóða neyslukönnun Hagstofunnar.Það þarf því ekki að búa til nýtt viðmið til þess að sýna neyslu eða framfærslukostnað.Við þurfum ekki á neinu fátæktarviðmiði að halda. Afturkalla á kjaraskerðinguna frá 2009 Ísland er nú að komast út úr kreppunni og hagvöxtur er byrjaður.Seðlabankinn spáir 2,5% hagvexti á þessu ári en hagvöxtur í Danmörku er aðeins 1 %.Það er því tímabært að afturkalla kjaraskerðingu eldri borgara frá 1.júlí 2009 og hætta að refsa þeim eldri borgurum sem vilja fara út á vinnumarkaðinn. Og þeir eldri borgarar, sem sviptir voru öllum bótum hjá TR 2009 eiga að fá þær aftur.Almannatryggingarnar eiga að vera fyrir alla en ekki fyrir ákveðinn hóp manna.Það var skýrt tekið fram, þegar tryggingarnar voru stofnaðar. Björgvin Guðmundsson http://www.gudmundsson.net/index.asp?lesa=pistlar&p=nanar&i=612 Sat, 10 Dec 2011 00:00 GMT http://www.gudmundsson.net/index.asp?lesa=pistlar&p=nanar&i=612 vennig@btnet.is (Björgvin Guðmundsson) Jóhanna Sigurðardóttir,forsætisráðherra,ræddi auðlindamálin í áramótaávarpi sínu um sl. áramót.Henni fórust m.a. svo orð: Auðlindir sjávar,orkan í iðrum jarðar og þau verðmæti, sem fólgin eru í vatninu,jafnt heitu sem köldu,eiga að vera sameign þjóðarinnar og þannig þarf að ganga frá málum að arðurinn renni með sanngjarnari hætti en verið hefur til allra Íslendinga.” Einar K.Guðfinnsson þingmaður Sjálfstæðisflokksins túlkar þessi ummæli þannig í Mbl., að forsætisráðherra vilji,að nýtingarrétti orkuauðlinda og fiskveiðiauðlindarinnar sé skipað með sambærilegum hætti.Ekki er ég sammála þeirri túlkun. Forsætisráðherra vill, að arðurinn af sjávarauðlindinni renni með sanngjarnari hætti en áður til Íslendinga. Ég er sammmála því.Hins vegar kemur ekki fram í áramótaávarpi forsætisráðherra hvernig hún vilji haga fiskveiðistjórnuninni að öðru leyti.Það verður því að fara í kosningastefnuskrár stjórnarflokkanna til þess að athuga það. Þar kemur fram,að fyrna eigi aflaheimildir á allt að 20 árum.Þjóðin eigi að innkalla allar aflaheimildir.Þetta var stærsta kosningamál Samfylkingarinnar.Það má fyrna aflaheimildir á skemmrri tíma en ekki lengri.Ég hefi ekki trú á því að Samfylkingin hviki frá þessu stærsta kosningamáli flokksins. Kvótanefndin gaf eftir fyrir LÍÚ Jón Bjarnason sjávarútvegsráðherra skipaði nefnd eða starfshóp til þess að fjalla um framkvæmd á kosningamáli stjórnarflokkanna, fyrningarleiðinni.Mistök ráðherrans og ríkisstjórnarinnar voru þau að gefa kvótanefndinni það vegarnesti,að hún ætti að ná sáttum við hagsmunaaðila í sjávarútvegi. Það þýddi að nefndin átti m.a. að ræða við LÍÚ.En vitað var að LÍÚ var á móti fyrningarleiðinni.Ljóst var því,að engar sættir yrðu nema annar aðilinn gæfi eftir,ríkisstjórnin eða LÍÚ. Á meðan kvótanefndin hélt fram kosningastefnumáli stjórnarflokkanna var LÍÚ í fýlu og neitaði að mæta í nefndinni. En síðan fór meirihluti kvótanefndarinnar að bakka og gefa eftir og þá mættu fulltrúar LÍÚ á ný. Meirihluti kvótanefndarinnar hafði hins vegar ekkert leyfi til þess að víkja frá fyrningarleiðinni.Þetta var kosningaloforð og sennilega var það einmitt þetta mál sem tryggði stjórnarflokkunum meirihluta á alþingi.Skemmst er frá því að segja, að meirihluti kvótanefndarinnar samþykkti svonefnda samningaleið, sem byggist á því að úthluta útgerðarmönnum veiðiheimildunum til langs tíma( 15-30 ára). Greitt verði auðlindagjald fyrir kvótana.( fyrir nýtingarréttinn). Einnig er lagt til,að landsbyggin fái ákveðnar veiðiheimildir. Þetta er í rauninni verra skipulag en það sem gildir í dag.Þetta er afturför frá ríkjandi kerfi og festir í sessi um ókomna tíð yfirráð kvótagreifanna yfir veiðiheimildunum.Það var ekki það sem vakti fyrir stjórnarflokkunum, þegar þeir lofuðu fyrningarleiðinni. Uppboð eða úthlutun En hvernig á að úthluta veiðiheimildum á ný ,ef fyrningarleið er farin? Þar kemur einkum tvennt til greina: 1) Að bjóða upp aflaheimildirnar á frjálsum markaði. 2) að úthluta veiðiheimildum eftir ákveðnum reglum gegn auðlindagjaldi,sem væri ekki málamyndagjald eins og verið hefur heldur raunverulegt gjald.Einnig kemur til greina að fara báðar þessar leiðir. En hvaða leið sem farin verður við endurúthlutun aflaheimilda verður að gæta þess, að nýir aðilar eigi greiðan aðgang inn í greinina og það þarf að tryggja dreifðum sjávarbyggðum hlutdeild í aflaheimildum.Mannréttindanefnd Sameinuðu þjóðanna úrskurðaði, að Ísland hefði brotið mannréttindi við úthlutun kvótanna og framkvæmd kvótakerfisins. Gæta verður þess, að framkvæmdin verði þannig í framtíðinni, að ekki verði um mannréttindabrot að ræða.Sanngirni og réttlæti þarf að gilda við úthlutun kvóta og allir að sitja við sama borð.Ekki kemur til greina að úthluta veiðiheimildum til langs tíma eins og meirihluti kvótanefndarinnar leggur til.1-2 ár í senn er hæfilegur tími. Umbótaáætlun Samfylkingar: Kosningaloforð standa Samfylkingin samþykkti nýlega umbótaáætlun. Samþykkt var að bæta siðferðið í öllu starfi flokksins.Heiðarleiki og orðheldni á að vera í fyrirrúmi.Það þýðir að flokkurinn ætlar að standa við það,sem hann lofar kjósendum.Það er liðin tíð, að unnt sé að lofa einu fyrir kosningar og framkvæma annað eftir kosningar. Með hliðsjón af nýrri umbótaáætlun Samfylkingarinnar getur flokkurinn ekki hvikað frá kosningaloforði sínu um að fara fyrningarleiðina í sjávarútvegsmálum.Því var lofað fyrir kosningar að fyrna ætti aflaheimildir á 20 árum.Við það verður að standa.Það eru hrein svik við það kosningaloforð, ef ríkisstjórnin ætlar að afhenda útgerðarmönnum aflaheimildirnar til langs tíma.Það kemur ekki til greina.Ef Samfylkingin getur ekki fengið VG til þess að standa við kosningaloforð flokkanna um fyrnningarleið verður stjórnin að fara frá. Björgvin Guðmundsson Birt í Morgunblaðinu 12.febrúar 2011 http://www.gudmundsson.net/index.asp?lesa=pistlar&p=nanar&i=598 Fri, 2 Dec 2011 00:00 GMT http://www.gudmundsson.net/index.asp?lesa=pistlar&p=nanar&i=598 vennig@btnet.is (Björgvin Guðmundsson) Þeir,sem kynnt hafa sér málefni aldraðra í hinum norrænu löndunum og afstöðu stjórnvalda þar til eldri borgara segja, að afstaða stjórnvalda til aldraðra sé mun jákvæðari í hinum norrænu löndunum en hér.Þar eru stjórnvöld alltaf að kanna hvernig unnt er að bæta aðbúnað og kjör eldri borgara en hér er þessu öfugt farið. Niðurskurður bitnar á eldri borgurum Undarfarin misseri hefur niðurskurður ríkisútgjalda bitnað harkalega á eldri borgurum.Það hefur verið skorið mikið niður á hjúkrunarheimilum úti á landi og á öðrum sjúkrastofnunum, þar sem eldri borgarar eru vistaðir.Þessum mikla niðurskurði var ákaft mótmælt í fyrra og var þá verulegum hluta niðurskurðarins frestað þar til í ár.Nú í ár er enn skorið niður, meðal annars á Landsspítalanum og í heilbrigðiskerfinu yfirleitt.Leggja á niður St.Jósefsspítala í Hafnarfirði en sá spítali hefur veitt mjög góða heilbrigðisþjónustu og leggja á niður líknardeild aldraðra á Landakoti.Spara á 50 milljónir með því að leggja niður líknardeildina.Sagt er,að flytja eigi starfsemi líknardeildar Landakots að verulegu leyti á líknardeild í Kópavogi.Mér finnst aðförin að öldruðum ná hámarki með því að leggja niður líknardeild aldraðra á Landakoti.Þarna hafa verið vistaðir mikið veikir aldraðir sjúklingar, flestir með krabbamein á háu stigi. Þessir sjúklingar hafa yfirleitt verið heima þar til þeir hafa farið á Landakot. Þeir hafa því ekki verið að íþyngja spítalakerfinu áður.Líknardeildin var stofnuð fyrir 10 árum til þess að hlynna að mjög mikið veikum öldruðum sjúklingum síðasta spöl lífs þeirra.Stofnkostnaður deildarinnar var að miklu leyti greiddur úr framkvæmdasjóði aldraðra en einnig með gjafafé, m.a. Frá Rauða krossinum.Allir skattgreiðendur landsins (nema aldraðir) greiða í framkvæmdasjóð til þess að kosta uppbyggingu öldrunarstofnana.Það er siðlaust með öllu af stjórnvöldum að leggja niður stofnun, sem þannig hefur verið kostað til. Ef flytja á sjúklinga frá líknardeild Landakots í líknardeildina í Kópavogi þarf að gera kostnaðarsamar breytingar í Kópavogi. Það verður því sáralítill sparnaður af þeim tilflutningum.Vonandi tekur alþingi í taumana og stöðvar niðurlagningu líknardeildar Landakots. Stjórnvöld vega að kjörum eldri borgara Á sama tíma og eldri borgarar verða fyrir barðinu á niðurskurði í heilbrigðiskerfinu vega stjórnvöld að kjörum eldri borgara. Með lögum,sem sett voru 1.júlí 2009 voru kjör eldri borgara skert verulega. Frítekjumark vegna atvinnutekna var lækkað úr rúmlega 100 þúsund krónum á mánuði í 40 þúsund krónur á mánuði.Ákveðið var að telja greiðslur ellilífeyrisþega úr lífeyrissjóðum með tekjum við útreikning á grunnlífeyri aldraðra frá TR en við það missti mikill fjöldi aldraðra grunnlífeyri sinn og datt út úr kerfi almannatrygginga.Yfir 5000 eldri borgarar urðu fyrir kjaraskerðingu við þessa breytingu. Einnig var skerðingarhlutfall tekjutryggingar hækkað.Það er krafa eldri borgara að kjaraskerðingin frá 1.júlí 2009 verði afturkölluð strax. Þeir, sem nutu grunnlífeyris frá TR fyrir þá breytingu eiga að fá hann aftur að öðru óbreyttu.Almannatryggingarnar eiga að vera fyrir alla án tillits til stéttar eða efnahags eins og nýsköpunarstjórnin,sem kom tryggingunum á, tók skýrt fram við lögfestingu trygginganna. Lífeyrissjóður skerði ekki tryggingabætur Eitt mesta ranglætið í lífeyrismálum aldraðra í dag er það, að tryggingabætur almannatrygginga eru skertar mikið vegna greiðslna úr lífeyrissjóði.Þetta ranglæti verður að afnema.Þegar lífeyrissjóðirnir voru stofnaðir var skýrt tekið fram,að þeir ættu að vera viðbót við lífeyri almannatrygginga.Í dag er einstaklingur,sem fær 70 þúsund krónur í lífeyri frá lífeyrissjóði ekkert betur settur en sá ellilífeyrisþegi,sem fær ekkert úr lífeyrissjóði.Báðir fá sömu upphæð samtals. Sá sem fær 70 þúsund krónur á mánuði frá lífeyrissjóði sætir 70 þúsund króna skerðingu frá almannatryggingum á mánuði. Það sem sem sagt allt rifið af honum, allt jafnvirði lífeyrisgreiðslanna.Lífeyrisþegar eiga þann lífeyri,sem þeir hafa safnað upp í lífeyrissjóðum.Þess vegna er spurning hvort það stenst eignarréttarákvæði stjórnarskrárinnar að rífa af lífeyrisþega hjá TR jafnvirði þess,sem hann fékk úr lífeyrissjóði. Landsfundur Samfylkingar var haldinn dagana 21.-23.okt. .Það vekur athygli mína, að ekkert er í stefnuskrá fundarins um málefni eldri borgara.Það er aðeins talað um að mótuð verði stefna í málefnum aldraðra og gera þurfi úttekt á þjónustu við aldraða.Þegar Ingibjörg Sólrún var formaður Samfylkingarinnar var stefnan í málefnum aldraðra skýr og skelegg. En síðan hefur stefnunni í þessum málaflokki hrakað ár frá ári og nú hefur hún alveg verið strikuð út.Í staðinn er komin ágæt stefna í málefnum ungs fólks.En getur það ekki farið saman að styðja bætt kjör aldraðra og ungs fólks? Ég sagði í upphafi þessarar greinar,að afstaða stjórnvalda til aldraðra væri neikvæð.Afgreiðsla landsfundar Samfylkingarinnar á málefnum aldraðra staðfestir þetta. Björgvin Guðmundsson Birt í Morgunblaðinu 14.nóv. 2011 http://www.gudmundsson.net/index.asp?lesa=pistlar&p=nanar&i=614 Mon, 14 Nov 2011 00:00 GMT http://www.gudmundsson.net/index.asp?lesa=pistlar&p=nanar&i=614 vennig@btnet.is (Björgvin Guðmundsson) <DIV> <DIV dir=ltr> <DIV> <DIV> <DIV dir=ltr> <DIV> <DIV>Alþýðusamband Íslands hefur gagnrýnt ríkisstjórnina harðlega fyrir að gera ráð fyrir því í frumvarpi til fjárlaga fyrir árið 2012,að lífeyrir aldraðra og öryrkja og aðrar bætur hækki aðeins&nbsp;um 3,5% næsta ár,þegar gert er ráð fyrir 5,1% verðbólgu.Sem formaður kjaranefndar Félags eldri borgara í Reykjavík&nbsp; tek ég undir þessa gagnrýni ASÍ. Stutt er síðan velferðarráðherra kleip af hækkun lægstu bóta aldraðra til samræmis við hækkun lægstu &nbsp;launa samkvæmt samkomulagi&nbsp; ASÍ og ríkisstjórnarinnar í tengslum við gerð kjarasamninganna sl. vor.Lægstu laun hækkuðu samkvæmt kjarasamningum um 10,3% 1.júní sl. en lægstu bætur hækkuðu aðeins um 6,5%.Nú á aftur að höggva í sama knérunn og klípa af bótum aldraðra og öryrkja.</DIV> <DIV>&nbsp;</DIV> <DIV><STRONG>Fengu aðeins hálfa verðlagsuppbót 2008/2009</STRONG></DIV> <DIV>&nbsp;</DIV> <DIV>Um áramótin 2008/2009&nbsp; fengu aldraðir og öryrkjar ekki þá verðlagsuppbót,sem þeim bar.Þá hafði verðbólgan verið tæp 20% en 3/4 lífeyrisþega fengu aðeins 9,6% verðlagsuppbót,þ.e. hálfa verðlagsuppbót.Aðeins þeir sem voru á strípuðum bótum fengu þá&nbsp;fulla verðlagsuppbót.Árið 2009 og 2010 hækkaði kaup láglaunafólks um 16% en á því tímabili fengu aldraðir og öryrkjar enga hækkun.Þeir máttu bera verðbólguna bótalaust.Það er því alltaf verið að höggva í sama knérunn.Það er alltaf verið að níðast á öldruðum og öryrkjum.</DIV> <DIV>Þegar fulltrúar eldri borgara ræddu við Gylfa Arnbjörnsson forseta ASÍ um hækkun tryggingabóta til jafns við launahækkanir samþykkti hann&nbsp; beiðni eldri borgara þar um en taldi erfitt eða ókleift fyrir ASÍ að biðja um leiðréttingu fyrir liðinn tíma (vegna 16% hækkunar á kaupi láglaunafólks).Eldri borgarar voru tiltölulega ánægðir með hækkun bóta 1.júní sl. en töldu þó að lægstu bætur hefðu hækkað of lítið miðað við hækkun lægstu launa.</DIV> <DIV>&nbsp;</DIV> <DIV><STRONG>Kjaraskerðingin frá 2009 verði afturkölluð strax</STRONG></DIV> <DIV>&nbsp;</DIV> <DIV>Eldri borgarar hafa ekki fengið neina leiðréttingu vegna&nbsp; þeirrar kjaraskerðingar,er framkvæmd var á kjörum þeirra 1.júlí 2009.Eldri borgarar krefjast þess að sú kjaraskerðing verði strax afturkölluð.Staða ríkisfjármála hefur lagast það mikið,að unnt ætti að vera að afturkalla kjaraskerðinguna.Við erum að fara út úr kreppunni.Hagvöxtur er byrjaður.Þess vegna er leiðrétting á kjörum aldraðra tímabær.</DIV> <DIV>&nbsp;</DIV> <DIV>&nbsp;</DIV> <DIV>Björgvin Guðmundsson</DIV> <DIV>&nbsp;</DIV> <DIV>Birt í Morgunblaðinu 19.okt. 2011</DIV> <DIV>&nbsp;</DIV></DIV></DIV></DIV></DIV></DIV></DIV> http://www.gudmundsson.net/index.asp?lesa=pistlar&p=nanar&i=613 Wed, 19 Oct 2011 00:00 GMT http://www.gudmundsson.net/index.asp?lesa=pistlar&p=nanar&i=613 vennig@btnet.is (Björgvin Guðmundsson) Miðað við þau drög að kvótafrumvarpi,sem Jón Bjarnason ráðherra hefur lagt fram, er ætlunin að svíkja kosningaloforð stjórnarflokkanna í málinu. Stjórnarflokkarnir lofuðu að innkalla allar aflaheimildir á allt að 20 árum (fyrningarleið) og úthluta þeim á ný á sanngjarnan og réttlátan hátt, þannig að nýir aðilar kæmust inn í greinina og dreifðar byggðir út um land fengju veiðiheimildir á ný.Samkvæmt þeim drögum,sem lögð hafa verið fram, er ætlunin að úthluta megninu af veiðiheimildunum til handhafa kvótanna ( kvótakónganna) til 15-20 ára(nýtingarréttur).Þessi hugmynd um að festa forréttindi kvótakónganna í sessi til langs tíma er forkastanleg og alger svik á kosningaloforðum Samfylkingarinnar í málinu og VG samþykkti stefnu Samfylkingarinnar í kvótamálinu, þegar stjórnin var mynduð.Ef þetta verður að veruleika er verr af stað farið en heima setið, þar eð í stað þess að fá veiðiheimildir til eins árs í senn eins og nú fengju útgerðarmenn veiðiheimildir í 15 eða 20 ár.Samfylkingin lagði áherslu á það í kosningastefnuskrá sinni, að forrettindi útgerðarmanna í kvótamálum yrðu afnumin.Staðfest yrði í stjórnarskrá, að þjóðin ætti sjávarauðlindina (veiðiheimildir) og auðlindagjald yrði hækkað.Það gengur þvert á stefnu Samfylkingarinnar að festa í sessi til langs tíma forréttindi kvótakónganna.Sagt er að mynda eigi svokallaða potta, 15-20% veiðiheimilda eftir 15 ár,sem dreifðar byggðir og nýir aðilar eigi að fá úthlutað úr. Hugsunin á bak við þessa potta er góð en bæði er að hlutdeild pottanna er of lítil og það tekur of langan tíma að mynda þá. Best að bjóða upp veiðiheimildirnar Ríkisstjórnin er nú búin að vera með kvótamálið í fanginu í rúm 2 ár.Niðurstaða svokallaðrar sáttanefndar gekk þvert á stefnu Samfylkingarinnar og ríkisstjórnarinnar. Meirihluti nefndarinnar lét undan kröfum LÍÚ og ljáði máls á því, að útgerðarmenn fengju kvótana á leigu til langs tíma, margra áratuga. Nefndin mátti vita miðað við kosningaloforð og stefnu ríkisstjórnarinnar, að það gengi ekki.Það verður að vera sátt við þjóðina,sátt við kjósendur um þá leið sem farin er í þessu máli. Það er ekki LÍÚ,sem á að ráða ferðinni.Þjóðin á kvótana og hún á að ráða en ekki LÍÚ.Úr því, sem komið er tel ég farsælast og réttlátast að bjóða upp mestallar aflaheimildir á frjálsum markaði. Þá mundu allir njóta jafnréttis. Síðan mætti eftir sem áður hafa potta, t.d. 20-25% aflaheimilda til þess að úthluta dreifðum byggðum o.fl. Þau rök hafa heyrst gegn uppboðsleiðinni,að hinir fjársterku gætu þá keypt alla kvótana á uppboðsmörkuðum.Víst er það gild röksemd og til þess að hamla gegn því að auðugir útgerðarmenn gætu keypt of stóran hlut kvótanna mætti hafa minni hlutdeild aflaheimilda á uppboðsmarkaði, t.d. 50-60% og síðan mætti úthluta ákveðnu magni á hefðbundinn hátt og láta ákveðið magn í potta. Samfylkingin getur ekki svikið kjósendur Ég skora á þingmenn Samfylkingarinnar að gera nauðsynlegar breytingar á kvótafrumvarpi Jóns Bjarnasonar.Annað hvort þarf að láta meiri hluta aflaheimilda á uppboðsmarkað eða að stórauka pottana og stytta leigutímann. Helst þyrfti að stytta leigutímann niður í 2-3 ár.Leigutíminn er 1 ár í senn í dag og það eru engin rök fyrir því að lengja leigutímann.Gleymum því ekki að þjóðin á sjávarauðlindina,hún á kvótana. Þjóðin á ekki að þurfa að semja við útgerðarmenn um það hvernig þeir fái að nýta þessa auðlind. Þjóðin getur ákveðið það einhliða og tilkynnt útgerðarmönnum þá ákvörðun.Ef Samfylkingin samþykkir frumvarp Jóns Bjarnasonar mun fylgið hrynja af Samfylkingunni, þar eð kjósendur líta á samþykkt frumvarpsins sem svik við stefnu Samfylkingarinnar í málinu.Ég treysti því á þingmenn Samfylkingarinnar að gera nauðsynlegar breytingar á frumvarpinu. Björgvin Guðmundsson Birt í Morgunblaðinu 10.mai 2011 http://www.gudmundsson.net/index.asp?lesa=pistlar&p=nanar&i=605 Wed, 5 Oct 2011 00:00 GMT http://www.gudmundsson.net/index.asp?lesa=pistlar&p=nanar&i=605 vennig@btnet.is (Björgvin Guðmundsson) Hver verða næstu skrefin í kjarabaráttu eldri borgara? Næsta skrefið er að afturkalla kjaraskerðinguna,sem Árni Páll Árnason þáverandi félagsmálaráðherra lét lögleiða 1.júlí 2009.Þá voru kjör eldri borgara og öryrkja skert verulega vegna kreppunnar en tekið fram, að um tímabundnar ráðstafanir væri að ræða.Nú er aðeins farið að rofa til, hagvöxtur að byrja og staða ríkisfjármála hefur batnað mikið frá því bankahrunið skall á.Þess vegna er tímabært að afturkalla kjaraskerðinguna frá 1.júlí 2009. Voru sviptir grunnlífeyri almannatrygginga Skerðing tryggingabóta var stóraukin 1.júlí 2009. Frítekjumark vegna atvinnutekna, sem hafði verið tæpar 110 þúsund krónur á mánuði, var fært niður í 40 þúsund krónur á mánuði.Það var sem sagt ákveðið að refsa þeim eldri borgurum, sem voru að reyna að vinna svolítið.Ég efast um, að ríkið hafi grætt mikið á þessari ráðstöfun.Margir eldri borgarar hafa hætt að vinna vegna þessa og við það missir ríkið skatttekjur.Það hefði verið óhætt að hafa frítekjumarkið óbreytt. Tilfinnanlegast var þó, að ákveðið var að láta greiðslur úr lífeyrissjóði hafa aukin áhrif á útreikning grunnlífeyris. Við þessa ráðstöfun missti mikill fjöldi eldri borgara grunnlífeyri sinn og hefur nú engan lífeyri frá almannatryggingum.Tekjur 5210 eldri borgara frá almannatryggingum lækkuðu við þetta.Mér er til efs, að þessi ráðstöfun standist jafnræðisreglu stjórnarskrárinnar.Mikill fjöldi eldri borgara fær nú ekki krónu frá almannatryggingum en hefur þó borgað til þeirra allan sinn starfsferil.Þegar almannatryggingar voru stofnaðar var tekið skýrt fram, að þær ættu að vera fyrir alla án tillits til stéttar og efnahags.Eftir breytingu þá, sem Árni Páll gerði 1.júlí 2009, eru almannatryggingar fyrir ákveðin hóp fólks en ekki fyrir alla. Það er verið að breyta tryggingunum í átt til fátækraframfærslu.Þetta gengur þvert á upphaflegt markmið almannatrygginga. Sem dæmi um það hvernig þetta hittir vissan hóp fyrir má nefna, að þegar 50 þús króna eingreiðsla var ákveðin fyrir launþega og bótaþega almannatrygginga í nýgerðum kjarasamningum var ákveðið að þeir, sem hefðu ekki grunnlífeyri fengju ekki heldur þessa eingreiðslu. Fyrst er þessi hópur strikaður út úr kerfi almannatrygginga og síðan er hann sviptur kjarabótum, sem samið er um, að launþegar og lífeyrisþegar eigi að fá.1.júlí 2009 var tekjutryggingin einnig skert beint, þar eð skerðingarhlutfall hennar var hækkað úr 38,35% í 45%. Við þetta lækkuðu tekjur 18940 eldri borgara. Það verður að afturkalla alla kjaraskerðinguna frá 2009.En auk þess þarf að afnema með öllu skerðingu tryggingabóta vegna greiðslna úr lífeyrissjóði.Launþegar,sem greitt hafa í lífeyrissjóð allan sinn starfsferil, eiga að njóta að fullu lífeyris síns þegar þegar fara á eftirlaun.En það gera þeir ekki, ef tryggingabætur eru skertar á móti greiðslum úr lífeyrissjóði eins og nú er gert.Þessa skerðingu verður að afnema strax. Það var aldrei meiningin, þegar lífeyrissjóðirnir voru stofnaðir, að þeir mundu skerða tryggingabætur.Lífeyrissjóðirnir áttu að vera viðbót við lífeyri almannatrygginga. Björgvin Guðmundsson Birt í Mbl. 14.sept. 2011 http://www.gudmundsson.net/index.asp?lesa=pistlar&p=nanar&i=611 Tue, 20 Sep 2011 00:00 GMT http://www.gudmundsson.net/index.asp?lesa=pistlar&p=nanar&i=611 vennig@btnet.is (Björgvin Guðmundsson) <P>Samtök atvinnulífsins og LÍÚ gera nú lokahríð að Jóni Bjarnasyni sjávarútvegsráðherra og stóra kvótafrumvarpi hans.Þessir aðilar hafa sent alþingi álit á frumvarpinu og finna því allt til foráttu.ASÍ hefur einnig sent sams konar álit og það sama má segja um bankana. Þeir vara við samþykkt frumvarpsins og telja, að það geti skaðað bankana og leitt til verri lífskjara.</P> <P>Ekki verður sagt, að álit framangreindra aðila komi á óvart nema þá helst álit ASÍ.En það er alveg sama hvaða frumvarp hefði verið lagt fram með tillögum um breytingar fiskveiðistjórnarkerfinu. Samtök atvinnurekenda hefðu alltaf verið á móti því og hið sama má segja um bankana.Þessi aðilar vilja hafa kerfið óbreytt.Útgerðarmenn vilja ekki missa neitt af þeim hlunnindum, sem þeir hafa í núverandi kerfi. Og atvinnurekendur og fjármálastofnanir standa vörð um hagsmuni útgerðarinnar.</P> <P></P> <P>Ríkisstjórnin hefur tvo kosti</P> <P></P> <P>Hvað kosti hefur ríkisstjórnin í stöðunni? Hún hefur tvo kosti: Hún getur keyrt kvótafrumvarpið í gegn með einhverjum breytingum. Eða hún getur dregið það til baka og lagt fram nýtt frumvarp.Ég tel, að stjórnin eigi að velja síðari kostinn. Hún getur gert það á þeim forsendum, að borist hafi svo margar neikvæðar umsagnir um frumvarp Jóns Bjarnasonar, að ekki sé verjandi að keyra það í gegn.Hvað á þá að koma í staðinn? Það er of seint að endurvekja fyrningarleiðina og lítill áhugi á henni. Ég tel ekki koma til greina að láta meira undan útgerðarmönnum með því til dæmis að lengja nýtingartímann.Það eina sem ég tel koma til greina er uppboðsleiðin, það er að setja aflaheimildir á uppboðsmarkað.Þá mundu allir sitja við sama borð og hafa jafna möguleika á því að bjóða í aflaheimildirnar.Eðlilegast væri að innkalla aflaheimildir í áföngum til þess að milda áhrifin gagnvart handhöfum kvóta.Það er matsatriði hvað áfangarnir ættu að vera margir og hvað mikið væri innkallað í hverjum áfanga.Það sem væri innkallað færi á uppboðsmarkað.Með þessari leið væri orðið við kröfum Mannréttindanefndar Sameinuðu þjóðanna um að afnema misrétti við framkvæmd fiskveiðistjórnunarinnar en nefndin telur að misréttið hafi verið svo mikið , að um mannréttindabrot hafi verið að ræða.</P> <P></P> <P>Margir sérfræðingar með uppboðsleiðinni</P> <P></P> <P>Minnihluti sáttanefndarinnar lagði til uppboðsleið ( tilboðsleið) í nefndinni.Margir hagfræðingar hafa mælt með þessari leið.Lögspekingarnir Sigurður Líndal og Þorgeir Örlygsson telja,að þessi leið standist ákvæði stjórnarskrárinnar enda verði uppboðsleiðin farin í áföngum.Þessi leið er því fær og eina eðlilega leiðin nú út úr þeim ógöngum, sem kvótamálið er komið í.</P> <P></P> <P>Björgvin Guðmundsson</P> <P>&nbsp;</P> <P>Birt í Morgunblaðinu 14.sept.2011</P> <P></P> <P></P> http://www.gudmundsson.net/index.asp?lesa=pistlar&p=nanar&i=610 Fri, 16 Sep 2011 00:00 GMT http://www.gudmundsson.net/index.asp?lesa=pistlar&p=nanar&i=610 vennig@btnet.is (Björgvin Guðmundsson) <DIV style="DISPLAY: inline"> <DIV dir=ltr> <DIV> <DIV style="DISPLAY: inline"> <DIV dir=ltr> <DIV> <DIV style="DISPLAY: inline"> <DIV dir=ltr> <DIV> <DIV></DIV> <DIV></DIV> <DIV>Samtök aldraðra hafa undanfarin ár fjallað mikið um það hvernig&nbsp; unnt væri að ná eyrum stjórnenda landsins.Gerðar hafa verið ályktanir um kjaramál,mótmælt hefur verið kjaraskerðingu aldraðra af hálfu stjórnvalda&nbsp; og rætt við ráðherra en allt hefur komið fyrir ekki.Ályktunum&nbsp; Landssambands eldri borgara hefur verið stungið undir stól.Ráðamenn landsins hafa ekkert gert með ályktanir eldri borgara enda þótt því hafi verið heitið að haft yrði samráð við hagsmunasamtök um aðgerðir&nbsp; í ríkisfjármálum.Af þessum sökum ákváðu Félag eldri borgara í Reykjavík og Landssamband eldri borgara að snúa&nbsp; sér til verkalýðshreyfingarinnar og biðja hana að taka upp kjaramál eldri borgara í væntanlegum kjarasamningum.Félag eldri borgara í Reykjavík gerði út sendinefnd á fund verkalýðsfélaga í Reykjavík til þess að ræða kjaramálin og kjaranefnd Landssambands eldri borgara&nbsp; gekk á fund Gylfa Arnbjörnssonar forseta ASÍ til þess að ræða þetta sama mál.Gylfi Arnbjörnsson var strax mjög jákvæður í málinu enda hefur verkalýðshreyfingin gegnum árin gætt hagsmuna eldri borgara í kjaramálum</DIV> <DIV><STRONG>Lífeyrir hækki í takt við hækkun launa</STRONG></DIV> <DIV>ASÍ kynnti kjarakröfur sínar fyrir ríkisstjórninni&nbsp; 12.janúar sl. Þar er mörgum mikilvægum kjaramálum hreyft.En það sem vekur einkum athygli eldri borgara er, að ASÍ segir,að&nbsp; lífeyrir aldraðra og öryrkja verði að hækka í samræmi við hækkun lægstu launa. Einnig vill ASÍ að sett verði nýtt frítekjumark tryggingabóta vegna tekna úr lífeyrissjóði.Hér hefur ASÍ tekið upp tvær mjög mikilvægar kröfur eldri borgara.Og ég á von á því að ASÍ muni knýja þessar kröfur fram.Það var lengi svo,að lífeyrir hækkaði sjálfvirkt þegar lágmarkslaun hækkuðu.Þegar það var afnumið var sett í lög,að taka&nbsp; ætti mið af breytingum á verðlagi og kaupgjaldi við breytingar á lífeyri aldraðra.Eftir þessu lagaákvæði hefur ekki verið farið í rúm 2 ár.Verðlagsbætur voru greiddar á lífeyri um áramótin 2008/2009.Þeir lífeyrisþegar,sem voru á strípuðum bótum fengu&nbsp; þá&nbsp; fullar verðlagsbætur en hinir fengu aðeins hálfar verðlagsbætur.Eftir þetta var lífeyrir aldraðra og öryrkja frystur.Síðan hefur lífeyrir verið að rýrna að raungildi til, þar eð verðbólga hefur verið talsverð en engar verðlagsbætur verið greiddar.Á þessu tímabili hefur kaup láglaunafólks hækkað um 16%.Lífeyrir hefði að sjálfsögðu átt að hækka samsvarandi en svo varð ekki.Lífeyrisþegar máttu sæta kjaraskerðingu á sama tíma og launþegar á lágum launum fengu verulega kauphækkun.</DIV> <DIV><STRONG>Verulegar kauphækkanir væntanlegar</STRONG></DIV> <DIV></DIV> <DIV>Reikna má með því,að samið verði um talsverðar kauphækkanir í þeim samningaviðræðum um kaup og kjör,sem nú standa yfir. Einstök verkalýðsfélög hafa krafist 200 þús. kr. mánaðarlauna.Það er umtalsverð kauphækkun.ASÍ leggur áherslu,að kaupmáttur aukist.Ekki er nóg að fá hækkun í krónutölu.Lífeyrir aldraðra og öryrkja mun væntanlega hækka samsvarandi þeim launahækkunum,sem samið verður um. Ekki er áfram unnt að skilja lífeyrirþega eftir, þegar samið er um kauphækkanir fyrir launþega.Lífeyrir aldraðra og öryrkja er ígildi launa.Þegar laun hækka á lífeyrir að hækka.</DIV> <DIV>Núverandi ríkisstjórn hefur haft þann hátt á,að&nbsp; frysta lífeyri aldraðra og öryrkja&nbsp; og einungis hækkað allra lægsta lífeyri ,ef eitthvað hefur verið hækkað.Þannig voru um sl. áramót aðeins hækkaðar lágmarksframfærsluuppbætur aldraðra og öryrkja.Með þessari aðferð hækkar ríkisstjórnin aðeins lífeyri hjá mjög fáum,þar eð aðeins mjög lítill hópur ellilífeyrisþega nýtur lágmarksframfærsluppbótar. Hækkunin um áramót var einnig mjög lítil eða aðeins 2,3%.</DIV> <DIV><STRONG>Tímabært,að eldri borgarar fái kjarabætur</STRONG></DIV> <DIV>Lífeyrisþegar eru búnir að taka á sig nægilegar byrðar vegna kreppunnar.Þeir hafa sætt verulegri kjaraskerðingu í 2 ár.Auk þess töpuðu margir lífeyrisþegar verulegum fjármunum í bankahruninu. Þeir eldri borgarar,sem höfðu sparað einhverja fjármuni og lagt&nbsp; í peningamarkaðssjóði töpuðu&nbsp; miklum fjármunum.Það er því tímabært að stjórnvöld breyti afstöðu sinni til aldraðra og veiti þeim sanngjarnar og eðilegar kjarabætur.Eldri borgarar eiga að geta lifað með reisn á efri árum og ekki að þurfa að skera allt við nögl sér.</DIV> <DIV>&nbsp;</DIV> <DIV>Björgvin Guðmundsson</DIV> <DIV>&nbsp;</DIV> <DIV>Birt í Morgunblaðinu 9.mars 2011</DIV></DIV></DIV></DIV></DIV></DIV></DIV></DIV></DIV></DIV> http://www.gudmundsson.net/index.asp?lesa=pistlar&p=nanar&i=600 Sat, 3 Sep 2011 00:00 GMT http://www.gudmundsson.net/index.asp?lesa=pistlar&p=nanar&i=600 vennig@btnet.is (Björgvin Guðmundsson)