Ríkisstjórnin tilkynnti 18.nóvember sl.,að aldraðir og öryrkjar fengju eingreiðslu.Það glaðnaði yfir þessum hópum þegar fréttin kom. En Adam var ekki lengi í paradís. Þessi frétt reyndist blekking. Aðeins fáir ellilífeyrisþega fá óskerta eingreiðslu,þ.e. þeir,sem hafa fulla tekjutryggingu. En aldraðir,sem eiga maka,sem hefur tekjur fá ekki óskerta eingreiðslu og ekki heldur þeir,sem fá eitthvað úr lífeyrissjóði.Vissulega kemur það sér vel fyrir þennan litla hóp aldraðra að fá óskerta eingreiðslu en  það hefði verið meiri mannsbragur að því hjá ríkisstjórninni að láta alla ellilífeyrisþega fá eingreiðsluna á sama hátt og allir launþegar fá hana. Hæstiréttur hefur úrskurðað að óheimilt sé að skerða tekjur öryrkja ( og ellilífeyrisþega) vegna tekna maka. Samt skerðir ríkisstjórnin lífeyri aldraðra og öryrkja frá Tryggingastofnun.Þessir elli-og örorkulífeyrisþegar fá aðeins hálfa tekjutryggingu. Þeir sæta helmings skerðingu tekjutryggingar enda þótt Hæstiréttir hefði úrskurðað að óheimilt væri að skerða vegna tekna maka.Síðan bætir ríkisstjórnin um betur núna og ákveður að þeir ellilífeyrisþegar sem  eiga maka,sem hefur tekjur (t.d. úr lífeyrissjóði) fái ekki óskerta eingreiðslu. Það eru engin  takmörk fyrir því hve þessi ríkisstjórnin getur níðst á kjörum aldraðra og öryrkja.

Björgvin Guðmundsson