Formaður Framsóknarflokksins hefur verið með útúrsnúninga til þess að réttlæta svik ríkisstjórnarinnar við öryrkja.Öryrkjabandalagið gerði samkomulag við heilbrigðisráðherra um að hækka lífeyri öryrkja um 1,5 milljarða samkvæmt ákveðinni formúlu um breytingu á bótum en öryrkjar fengu aðeins 1 milljarð. Þeir voru því sviknir um hálfan milljarð.Formaður Framsóknar segir,að öryrkjum hafi fjölgað mikið eða um 50% á 6 árum og segir,að stjórnarandstaðan og hagsmunaaðilar neiti að horfast í augu við umtalsverðan samfélagsvanda,sem kunni að vera að skapast vegna mikillar fjölgunar öryrkja.Þetta er álíka hundalogik og að segja í kjarasamningum um kjör verkamanna,að ekki sé unnt að standa við  samninga um hækkun kaupgjalds vegna þess að verkamönnum hafi fjölgað svo mjög!Í sambandi við samkomulagið við öryrkja skiptir engu máli þó öryrkjum hafi fjölgað og það skiptir heldur engu máli þó framlög ríkisins til öryrkja hafi aukist.Það eina sem skiptir máli er,að það var gerður samningur við öryrkja sem á að standa við. Svo einfalt er það.