NATO fór þess á leit við Bandaríkin  og Ísland, að þau gerðu með sér varnarsamning,þar eð Ísland hafði ekki neinn her og gat ekki annast varnir landsins. Vegna þessara tilmæla NATO tóku  Bandaríkin að sér varnir Íslands með því að senda hingað herlið.Gert var ráð fyrir,að hvor ríkisstjórn um sig gæti óskað eftir því, að NATO endurskoðaði hvort áfram  þyrfti á varnarviðbúnaði að  halda á Íslandi.Það er hins vegar ekki gert ráð fyrir því í varnarsamningnum, að annar hvor samningsaðili geti einhliða ákveðið að hætt verði  varnarbúnaði hér.Slík ráðstöfun jafngildir sliti á varnarsamningnum. Þegar svo er komið á Ísland ekki að standa lengur í tvíhliða samningum við Bandaríkin.Við eigum alfarið að snúa okkur til NATO og ESB varðandi varnir landsins..

Nútímavæðing varnanna!

Bush Bandaríkjaforseti sagði á fundi með framkvæmdastjóra NATO 20.mars 2006,að ætlunin væri að "nútímavæða" varnir Íslands.Ekki kom fram hvað fælist í því.Jón Baldvin Hannibalsson,fyrrum utanríkisráðherra,segir,að með þessu sé átt við varnir gegn hryðjuverkum. Jón Baldvin varaði við því að fá Bandaríkin til þess að verja Ísland gegn hryðjuverkum. ( Bandaríkin gætu dregið hryðjuverkamenn að landinu).Sagt var í kjölfar fundar Bush og framkvæmdastjóra NATO,að  hugmynd væri uppi um að NATO ríkin mundu skiptast á um að annast varnir Íslands.Það ber allt að sama brunni: Varnarsamningurinn við Bandaríkin er út úr myndinni.NATO er inni í myndinni.

 Björgvin Guðmundsson