 Ríkisstjórnin gaf yfirlýsingu 5.desember sl. um að hún ætlaði einhvern tímann á næsta ári að draga úr skerðingum tryggingabóta aldraðra og öryrkja.Ríkisstjórnin sagði,að þssar ráðstafanir mundu kosta 5 milljarða á ári. Að kvöldi sama dags var viðtal við Jóhönnu Sigurðardóttur,félagsmálaráðherra um þessar ráðstafanir í kastljósi Sjónvarpsins.Fréttakonan, sem ræddi við Jóhönnu, spurði með öndina í hálsinum: Og getur ríkisstjórnin bara tekið 5 milljarða sí sona ( úr loftinu) Jóhönnu vafðist tunga um tönn en hafði ekki fyrir því að leiðrétta fréttakonuna.Ljóst var, að samúð fréttakonunnar var öll með ríkisstjórninni en ekki með öldruðum og öryrkjum. Fréttakonan hafði áhyggjur af því hvernig í ósköpunum ríkisstjórnin gæti látið heila 5 milljarða til aldraðra og öryrkja.Hún reiknaði greinilega með því að það yrði að reiða þessa peninga fram strax .Ef hún hefði unnið heimavinnu sína hefði hún komist að því, að þessar væntanlegu ráðstafanir, sem átti eftir að samþykkja á alþingi, hefðu ekki kostað ríkissjóð nema 2,6 milljarða að hámarki á árinu 2008.Og ef hún hefði kafað dýpra í málið hefði hún komist að því, að þessar miklu ráðstafanir í þágu öryrkja og aldraðra hefðu ekki kostað neitt á árinu 2008. Samkvæmt könnun og útreikningum Rannsóknarseturs verslunarinnar á Bifröst aukast skatttekjur ríkissjóðs um 4 milljarða á ári við það að draga úr skerðingu tryggingabóta aldraðra.
Var þetta sjónarspil?
Það er búið að japla á þessum 5 milljörðum stöðugt síðan ríkisstjórnin gaf umrædda yfirlýsingu sína. Í hvert sinn,sem einhver ráðherra opnar munninn segir hann,að ríkisstjórnin sé að láta aldraðra og öryrkja fá 5 milljarða. En engum þeirra hefur dottið í hug að nefna það, að miklar auknar skatttekjur kæmu á móti, það miklar að þær mundu sennilega duga fyrir öllum útgjöldum vegna umræddra ráðstafana.
Það liggur við, að tilkynningin um ráðstafanir í þágu aldraðra og öryrkja sé eitt sjónarspil. Hvers vegna þurfti að tilkynna í desember sl. um einhverjar ráðstafanir, sem gera átti vorið 2008 og í lok þess árs? Hvers vegna voru þessar ráðstafanir ekki látnar taka gildi strax? Og hvers vegna var lífeyrir aldraðra frá almannatryggingum ekki hækkaður? Það er brýnast að hækka hann. Það er enn brýnna en að draga úr tekjutengingum. En hækkun lífeyris kostar ríkissjóð meira og ríkissjóður fær ekki til baka auknar skatttekjur við að hækka lífeyrií. Þess vegna er lífeyrir aldraðra frá TR látinn standa óbreyttur.
Björgvin Guðmundsson |