Ein af ástæðunum fyrir fjölgun ororkulífeyrisþega hér á landi er sú,að atvinnulífið hér á landi er orðið mjög ómanneskjulegt og harðneskjulegt Það er ekki rúm hjá fyrirtækjunum lengur fyrir þá,sem búa við hina minnstu fötlun.Þessi nýja starfsmannastefna atvinnulífsins hefur verið gagnrýnd harðlega.m.a. af talsmönnum öryrkja.Það skýtur .því skökku við,þegar Öryrkjabandalagið sjálft tekur upp þessa ómanneskjulegu og harðneskjulegu stefnu í starfsmannamálum. En svo virðist hafa verið við brottrekstur Arnþórs Helgasonar úr starfi framkvæmdastjóra Öryrkjabandalagsins.Honum er vikið fyrirvaralaust úr starfi án þess,að nokkur ástæða sé tilgreind sem brottrekstrarsök.Eina ástæðan,sem var tilgreind var,að gera þyrfti skipulagsbreytingar en slíkar ástæður eru oftast algert yfirskyn.Engar skipulagsbreytingar hafa enn verið kynntar.Þeir,sem til þekkja,segja,að Arnþór hafi unnið mjög gott starf sem framkvæmdastjóri Öryrkjabaandalagsins.
Forkastanleg framkoma
Aðferðin,sem notuð var við brottvikninguArnþórs úr starfi,var einnig forkastanleg.Arnþóri var fyrirvaralaust tilkynnt,að honum væri vikið úr starfi og hann fékk ekki einu sinni að taka sín persónulegu gögn úr tölvu og þaðan af síður að senda í tölvunni tilkynningu til samstarfsaðila sinna um að hann væri að hætta störfum.Þetta er óásættanleg framkoma við starfsmann,sem verið hefur framkvæmdastjóri Öryrkjabandalagsins í 5 ár og formaður bandalagsins áður.Öryrkjabandalagið skuldar þjóðinni skýringar á þessari furðulegu framkomu sinni við Arnþór Helgason.Öryrkjabandalagið er hálfopinber stofnun. Forráðamenn þess geta ekki leyft sér að haga sér eins og harðsvíraðir atvinnurkendur í einkafyrirtæki,sem hafa gróðasjónarmið ein að leiðarljósi.
Á að sýna starfsfólkinu virðingu
Sú krafa er gerð til Öryrkjabandalagsins að það sýni starfsfólki sínu virðingu og tillitssemi.Ef talin er ástæða til þess að segja einhverjum upp starfi á að tilgreina ástæður og veita eðlilegan uppsagnarfrest eins og aðrir launþegar njóta á vinnumarkaðnum. Það er lögverndaður réttur launþega. Öryrkjabandalagið á ekki að taka upp vinnubrögð stórfyrirtækja sem ” reka”framkvæmdastjóra sína fyrirvaralaust og gera við þá starfslokasamninga.Slík vinnubrögð eru ekki til eftirbreytni.
Björgvin Guðmundsson |
