Skattar á tekjur einstaklinga,tekjuskattur til ríkis og  útsvar til sveitarfélaga,hafa hækkað verulega síðan núverandi skattkerfi, var tekið upp 1988. Hækkunin hefur orðið mest á lægri launin.Skattbyrði á lægstu laun hefur aukist mikið  og því bitnað  mikið á öldruðum. Þetta stafar af því að skattleysismörk hafa dregist verulega aftur úr í  launaþróun.Nú er greiddur skattur af stærri hluta tekna en áður og þótt skatthlutfall staðgreiðslu lækki dugar það ekki til,skattar sem hlutfall af tekjum hækka.Þetta þyngir skattbyrði hinna lægst launuðu mest.

Aldraðir of þægir í taumi

 Þetta sagði Ólafur Ólafsson  formaður Félags eldri borgara í Reykjavík á aðalfundi félagsins 22.febrúar 2004. Hann flutti þar skýrslu stjórnar félagsins fyrir   liðið starfsár. Hann sagði,að eitt helsta verkefni stjórnar félagsins á starfsárinu  hefði verið eftirfylgni með samkomulaginu sem gert var við  ríkisstjórnina haustið  2002. Samkvæmt samkomulaginu hækkuðu bætur aldraðra lítillega en einnig var samið um aðgerðir  varðandi aukningu hjúkrunarrýmis,samþættingu  heimaþjónustu  og heimahjúkrunar o.fl. Ólafur sagði,að í kjaramálum aldraðra hefði samninganefnd aldraðra verið of þæg í taumi í samningunum við ríkisstjórnina. Of litlar kjarabætur hefðu fengist.

Hjúkrunarheimili á Vífilstöðum

Hann sagði að þokkalega hefði miðað í öðrum atriðum

samkomulagsins. T.d. hefði heilbrigðisráðherra gert samning við borgarstjórann í Reykjavík um  samþættingu heimaþjónustu og heimahjúkrunar og  hjúkrunarheimili hefði verið tekið í notkun á Vífilstöðum. En samt hefðu biðlistarnir ekkert styttst. Áfram yrði því að vinna að fjölgun hjúkrunarrýma,dagvistarrýma,þjónusturýma og hvíldarinnlagnarýma. Þá þyrfti að þrýsta á lagfæringar í skattamálum,hækka skattleysismörk  að lágmarks framfærslukostnaði eða koma á svokölluðum  skattabótum til þeirra,er hafa tekjur undir 100 þús. kr.  á mánuði,hækka frítekjumörk og fá hækkun a grunnlífeyri. Þá ræddi Ólafur einnig aukinn hlut aldraðra í lyfjakostnaði og kvað brýnt að auka niðurgreiðslur á lyfjum og tryggja að  ódýr lyf væru áfram á markaði en ekki tekin af lyfjaskrá þegar ný og dýrari lyf kæmu  á markaðinn.

"Ólafur sagði,að í kjaramálum hefði samninganefnd aldraðra verið of þæg í taumi í samningunum við ríkisstjórnina. Of litlar kjarabætur hefðu fengist.".

---------------------------------------------------------------------------------

Skattur af 100  þús kr. tekjum í dag er 11,1% en af sambærilegum tekjum árið 1990 ( 62.635) var skatturinn 5,5%.Skatthlutfallið hefur því  tvöfaldast.Þetta er skattahækkunin á öldruðum einstaklingum,sem einungis hafa bætur Tryggingastofnunar sér til framfærslu.