Silfur Egils hóf göngu sína á ný sl. sunnudag eftir sumarhlé. Rætt var um  stjórnmálin og m.a. um stólaskiptin. Meðal þátttakenda í þessum  fyrsta þætti Egils Helgasonar var Bjarni Harðarson,ritstjóri.Hann mun vera gamall Framsóknarmaður og kunnugur öllu hjá Framsókn. Hann er óhræddur við að segja skoðanir sínar. Hann var spurður um stólaskiptin og sagði,að þau væru alger skrítla. Hann kvað það skrítlu,að formaður Framsóknarflokksins settist nú í sæti forsætisráðherra fyrir  tilstuðlan formanns Sjálfstæðisflokksins.Formaður Framsóknar hefði  reynt að þóknast Sjálfstæðisflokknum í einu og öllu til þess að fá þennan stól og hann hefði  fallið frá flestum helstu  stefnumálum flokks síns í þessu skyni.

Valgerður Bjarnadóttir var einnig meðal þátttakenda í þættinum. Hún sagði,að það eina  sem stjórnarherrarnir hugsuðu um væri  að halda völdum. Stólaskiptin væru til marks um það. Ekkert væri hugsað um málefnin og þau látin reka á  reiðanum,sbr. málefni Landspítalans Háskólasjúkrahúss og ítrekuð svik við öryrkja.