Heimahjúkrun í Reykjavík er nú í uppnámi eftir,að  um 40 starfsmenn hennar hættu störfum um síðustu mánaðamót vegna deilu um kjör ( akstursgreiðslur).Er nú algert neyðarástand í greininni,þar eð ekki er unnt að sinna öllu fólki,sem þarf nauðsynlega heimahjúkrunar við.

   Stjórnendur heimahjúkrunarinnar  ( heilsugæslunnar) vildu breyta akstursgreiðslum starfsmanna,lækka þær.Á það gátu hjúkrunarfræðingar heimahjúkrunar ekki fallist.Þeir vildu óbreytt ástand í þeim efnum.Stjórnendur heimahjúkrunar héldu fast við sín áform og sögðu 40 hjúkrunarfræðingar þá upp störfum. Talið var í fyrstu,að ætlunin væri að spara með breytingu á akstursgreiðslum hjúkrunarfræðinga. En nú segir heilbrigðisráðherra, að ekki sé ætlunin að spara,heldur að bæta þjónustuna! Er erfitt að skilja hvers vegna  heimahjúkrun er öll sett í uppnám og sjúklingar í hættu, ef ekki hefur verið ætlunin að spara.Er ljóst,að deila þessi er algerlega tilbúin og tilefnislaus.Undrun vekur,að búið var að ákveða að taka 50 bíla á leigu fyrir hjúkrunarfræðinga,sem nota átti í stað einkabíla hjúkrunarfræðinga. Verður það án efa dýrara að taka alla þessa bíla á leigu í stað þess að  nota einkabíla. Hjúkrunarfræðingar hafa  sjálfir borið  kostnað af   rekstri bíla sinna annan en þann sem aksturspeningar hafa staðið undir.