Umræður fóru fram á alþingi fyrir nokkrum dögum um verðlag matvæla.Málshefjandi var Ásta Möller þingmaður Sjálfstæðisflokksins. Nú brá svo við,að hún og aðrir stjórnarliðar,þar á meðal forsætisráðherra,létu eins og þeir hefðu áhuga   á lækkun matvælaverðs. Samfylkingin hefur tekið þetta mál upp reglulega undanfarin ár undir forustu Rannveigar Guðmundsdóttur og þá hefur stjórnin engan áhuga sýnt á málinu.Síðast haustið 2005 hreyfði Rannveig máli þessu og þá hafði forsætisráðherra engan áhuga á að gera neitt í málinu.Þetta var greinilega brella hjá stjórninni nú að taka mál þettta upp á þingi. Meira að segja forsætisráðherra lét nú skyndilega eins og hann hefði áhuga á verðlækkun matvæla enda þótt vitað sé að Framsókn er andvíg lækkun virðisaukaskatts á matvælum.Fjölmiðlar sáu ekki í gegnum brellu stjórnarinnar. Það var stórfrétt í mörgum fjölmiðlum,að forsætisráðherra vildi lækka verð matvæla! En enginn fréttamaður spurði hvers vegna stjórnin lækkaði ekki verðið strax. Stjórnin getur lækkað virðisaukaskatt,vörugjöld og tolla strax. Það er ekki eftir neinu að bíða. Og stjórnin getur rýmkað innflutning landbúnaðarvara strax en það mundi lækka verð á landbúnaðarvörum.

 Ríkisstjórnin er nýbúin að skipa nefnd um mál þetta,beinlínis í þeim tilgangi að tefja verðlækkun matvæla. Nefndin á ekki að skila áliti fyrr en næsta haust. En það  þýðir,að ekkert verður gert í málinu á meðan nefndin starfar.Ríkisstjórnin er að tefja málið.

Björgvin Guðmundsson